Utangulizi

SHADE pre and primary school ipo katika kata ya ibadakuli mkoani wa shinyanga. Shule ipo umbali wa KM 7 kutoka Manispaa ya Shinyanga. Shule ilianzishwa na kusajiliwa mnamo tarehe 19/11/2021 kwa namba za usajili EM 18928. Shule ni ya kutwa na ni moja ya miradi inayoendeshwa na shirika la SHADE lililopo mkoani Shinyanga. Taasisi ina maono thabiti ya kuwawezesha wanafunzi kufikia ubora wa kitaaluma na kuondoa changamoto za kiakili na kimwili na kuwafanya watoto wawe viongozi bora wa baadaye ili waweze kubadilisha dunia katika mtazamo chanya. Tunaamini watoto wakipata msingi bora watakuwa wawajibikaji katika jamii na hivyo kuwa na Taifa lenye nguvu.

Kwa bidii yetu yote tumeifanya kuwa dhamira yetu:

1. Kutoa elimu bora na jumuishi ambayo ni chimbuko la ukuaji wa kiakili, kiroho na kimwili. Kuwawezesha wanafunzi kupata ujuzi sahihi kutokana na mazingira, kuwasaidia na kukidhi mahitaji yao yote muhimu wawapo shuleni.
2. Kukuza fikra zao pamoja bila kujali tofauti za mwanafunzi kwa kuwafanya wawe viongozi bora wa baadae ili waweze kubadilisha dunia.
3. Kuanzisha mfuko wa ufadhili wa elimu kwa watoto wanaoishi katika mazingira magumu, ili wapate elimu bora kwa gharama nafuu.

Hivyo basi maono haya tumeyakumbatia na kuweka nguvu kwa kila mfanyakazi wa Shule na shirika kutimiza maono haya kwa wanafunzi wetu, Shule itapata mafanikio makubwa sana kwa miaka mingi ijayo, ni dhamira yetu kuifanya SHADE kuwa uwanja wa kupumzika kwa watoto wanaotoka kwenye mazingira magumu, kuibua viongozi wa Tanzania na Kimataifa.

Shule ya SHADE PRE AND PRIMARY SCHOOL ina kituo cha malezi na makuzi kwa Watoto wadogo kabla hawajaanza elimu ya Awali. Kituo kinajulikana kwa jina la SHADE DAY CARE CENTRE. Ni kituo cha kisasa cha malezi ya watoto kinachotoa huduma bora kwa watoto wadogo wenye umri wa miaka 3-4. Kituo hiki kimejikita katika kuhakikisha usalama, afya, na maendeleo ya kihisia, kijamii na kiakademia kwa watoto wanaolelewa chini ya uangalizi wetu. Kituo kimesajiliwa rasmi na Wizara ya Maendeleo ya Jamii, Jinsia Wanawake na Makundi Maalumu mnamo tarehe 3/9/2025. Kituo kimesajiliwa kwa namba 4389, Hivyo kituo kina vibali vya uendeshaji, na hutekeleza kanuni zote za usalama,afya, na ustawi wa mtoto kama zinavyolekezwa na wizara inayosimamia ustawi wa jamii
Katika utoaji wa huduma, tunahakikisha watoto wanapata:

• Lishe bora kulingana na umri wao
• Mazingira salama na rafiki kwa mtoto
• Mafunzo ya awali ya kuandaa mtoto kwa Elimu ya Awali na Msingi
• Muda wa michezo yenye kuhamasisha ubunifu na ujifunzaji
• Huduma za uangalizi wa afya ya msingi kwa kushirikiana na wataalamu wa afya

Kupitia timu yetu ya walezi waliofunzwa, tunahakikisha kwamba kila mtoto anapokea uangalizi binafsi, upendo, na mwongozo unaochochea ukuaji chanya na maendeleo ya muda mrefu.

Kauli Mbiu

Kuibua viongozi, kubadilisha ulimwengu

Mawasiliano

Simu: +255763543456, +255744087584
Tovuti: www.shadetz.org
Barua pepe: school@shadetz.org

Ada za Shule

Ada zetu ni nafuu sana kwani tumezingatia ubora zaidi, kwa mwaka 2025 Shule ya SHADE ina madarasa saba yaani (awali) madarasa matatu na (msingi) madarasa manne (darasa la kwanza, la pili, la tatu, na darasa la nne).

Awali na Daycare

1. Ada ya Awali na Daycare Ni 800,000/= kwa mwaka.
2. Usafiri ni 500,000 kwa mwaka. Jumla ya Ada na Usafiri ni 1,300,000 kwa mwaka.
3. Ada hii hulipwa mara nne kwa mwaka, kila baada ya miezi 3.

Msingi

1. Ada ya Elimu ya msingi ni 1,000,000 kwa mwaka.
2. Usafiri ni 500,000 kwa mwaka. Jumla ya Ada na Usafiri ni 1,500,000 kwa mwaka.
3. Ada hii hulipwa mara nne kwa mwaka.

Mfuko wa ufadhili wa elimu kwa watoto wenye mazingira magumu

Shule ya SHADE inatoa fursa nzuri ya mfuko wa ufadhili wa elimu kama kipaumbele kwa watoto wenye ualbino na wenye mazingira magumu na hatarishi katika manispaa ya Shinyanga, watoto hawa hupata elimu bora na bure kabisa kuanzia darasa la awali hadi darasa la 6.

Tunaamini katika elimu jumuishi hivyo SHADE haikuwaacha watoto wengine wanaoishi katika mazingira magumu mfano yatima, wanaoishi na mzazi mmoja, pia hawa watoto wanapata elimu bora na bure hadi watakapo maliza darasa la 6.

Maneno ya kujenga misingi kwa watoto

Ubora, Nidhamu na Upendo